Nyambung seratanipun omietha wonten mriki bilih nalika kulo alit kathah sanget dolanan bocah. Kathah ugi ingkang ngginakaken lagu inggih punika ingkang dipun wastani lagu dolanan. Ingkang taksih kulo eling inggih punika lagu dolanan cublak-cublak suweng, sledur-sledur (menawi wonten bahasa indonesia dolanan punika dipun wastani ‘ular naga’), sluku-sluku bathok, jamuran. Wonten ugi lagu ingkang damel pados bukur (undur-undur). Punika lagu-lagu ingkang sampun kasebat ing nginggil..
Cublak-Cublak Suweng
Cublak-cublak suweng, suwenge ting gelenter
mambu ketundung gudel
pak empong lira liru
sopo ngguyu ndelikake
sir sir pong dele kopong sir sir pong dele kopong
Sledur-sledur
Sledur-sledur, pak mantri dhahar bubur kepanasen mumbul-mumbul..
(Dolanan punika kados ‘ular naga’ wonten ing dolanan nusantara)
Bethet Kingkong
Bethet kingkong legendar gong, gonge ilang
camcao gula tetes lo jenalo ilang
(dolanan punika ngginakaken driji. bocah 2 utawa luwih lajeng maringi 5 driji saking asta kiwo, lajeng dipun tembangaken lagu punika. Mangke sinten ingkang ketiban pungkasan drijinipun kedah ditekuk (ilang). Ingkang menang inggih punika ingkang drijinipun luwih rumiyin ical sedanten)
Lagu kangge pados bukur
Bukur-bukur bapakmu kejegur sumur ( 
punika supados bukur medal lan madosi ramanipun)
Taksih kathah lagu-lagu ingkang kangge ngiringi dolanan tradisional, nanging mboten sedanten ngginakaken boso jawi. Kathah ugi inggang ngginakaken boso indonesia. Kadosto “Ibu Tuti’, ‘Sepiring dua piring’, ‘Putih-putih melati’ lan kathah malih.
—namung kagem referensi, mbok menawi wonten putra-putrinipun, punapa adik ingkang sampun bosen kaliyan game wonten komputer, saget sinau dolanan tradisional—
9 comments
Comments feed for this article
Desember 4, 2007 pada 10:31 am
mtamim
“mbok menawi wonten putra-putrinipun, punapa adik ingkang sampun bosen kaliyan game wonten komputer, saget sinau dolanan tradisional”
mbok menawi malah dipun damel mawon, game komputer ingkang isinipun dolanan tradisional, hehehehe
Desember 5, 2007 pada 1:41 am
yusthatitik
menawi dolanan game komputer, lare-lare mboten saget ngertos kados pundi raose dhawah, kados pundi raose ndamel trik kaliyan rencang-rencang kagem ngalahke lawan, mboten ngertos raose kecemplung jugangan, mboten ngertos raose bungah kaliyan rencang-rencang menawi saget menang, mboten ngertos raose sedih lan nguatke rencang-rencang umpami kalah, mboten ngertos kados pundi carane muter gasing, mboten ngertos kados pundi carane namplek pathok lele, mboten ngertos kados pundi carane gatheng, lan taksih kathah keluwihan dolanan tradisional ingkang mboten saget dipundhut saking game komputer.
Nggih punika usul ingkang sae, nanging luwih becik umpami lare-lare ngraosaken piyambak dolanan-dolanan punika, mboten dados dalang ingkang nglakonaken dolanan.
Desember 5, 2007 pada 3:11 am
omietha
Maos seratan lagu dolanan wonten nginggil, dadi kemutan melih, ingkang lucu niku lagu putih putih melati…kok yustha kelingan yo…:), terus pathok lele…gasing…
O inggih, riyen alit amargi wonten lare pindahan saking kutho semarang, dados sami ke”invasi” dolanan kutho kados monopoli (dolanan ngagem duit-duitan kertas wonten bank, mbangun hotel, losmen, stasiun, wonten penjara barang, terus dana umum lan kesempatan…. hihihii…kemutan to?
wonten maleh kartu kuartet..
Perkembangan lare alit samkeniko ingkang tanggap teknologi inggih wonten setunggal sisih bingahaken&ngremenaken sanget, ananging inggih becik sanget niku menawi boten dados siji-sijine dolanan, dados imbang kalih dolanan-dolanan sanes ugi dolanan tradisional…
Desember 5, 2007 pada 10:40 am
mtamim
lha inggih, menawi dolanan mawi teknologi wonten kathah aspek-aspek fisik-sosio-emosional ingkang sami wucal.
wusanannipun kados gobak sodor, benthik, punapa ‘blusukan kali’ lan sanesipun, menawi pun damel game komputer lha mboten saged ngrumaosaken kasunyatanipun.
hehehehe
Desember 6, 2007 pada 4:32 pm
Dee
Pong-pong bolong
gulu merak gulu sapi mecaho ndhoke siji
…….
Sluku-sluku bathok
bathoke ela-elo
si romo menyang solo
oleh-olehe payung moda
tak jenthir ololobah
wong mati ora obah
yen obah medeni bocah
yen urip nggoleko dhuwit
…….
gotri legendri nogosari
thiwul owal-awul jenang katul
kodhok mbako enak mbako sedep
…nuwun sewu, terusane lali dab
Desember 12, 2007 pada 10:57 pm
budi
gotri legendri nogosari, ri
riwul iwal- iwul jenang katul, tul
tulen olen-olen dadi manten, ten
tenono mbesuk gedhe dadi opo, po
podheng mbako enak mbako sedeng, deng
dengklok engklak-engklok koyo kodok
menawi teng kampung kulo mekaten
Mei 20, 2008 pada 12:26 pm
hedy wijaya
hanya kebetulan saya masuk kesitus ini terasa masuk kesitus rereruntuhan candi dari masa lalu dimana bocah bocah lugu bernyanyi, tangan bergandengan dibahu beriringan dibawah sinar rembulan sedang yang lain duduk melingkar dengan ceria memindah kan batu bergantian diiringi lagu dolanan dan tembang dikejauhan…..
Situs ini sungguh kejutan bagi saya dirantau hormat saya dari Riau.
sangat bagus jika ada tempat download tembang dolanan yang dilagukan oleh suara anak anak yang lugu tanpa iringan gamelan atau instrument lainya karena instrumentnya ada di jiwa kita.
saya lahir disolo sampai remaja disolo tapi “cubluk ing basa lan tata krama”
karena lahir kalangan kebayakan dan agak “kamso” maaf jika saya menulis dengan bahasa persatuan ini.
saya harap situs ini exist dan gemari kalangan muda “Caranya…?”
Salam…
Juni 6, 2008 pada 8:24 am
ghaniarasyid™
inggih, leres.
kulo niki nggih termasuk lare ingkang kesirep game-game komputer kaliyan komik-komik.
postingan njenengan raose dhateng kulo “membangkitkan kenangan masa lalu”, wanci alit kulo bungah banget dolanan kalih kanca-kanca. pasaran, cublak-cublak suweng, lan saliyanipun
mugi-mugi blog njenengan tansah “istiqomah”, nguri-uri boso Jawi
Juni 6, 2008 pada 3:00 pm
Hedy wijaya
Kula Nuwun Mas,Pak,bu sakmeniiko kawula cobi ngagem basa jawi. menawi mampir wonten situs panjenengan kok manah dados goreh lan sumedot ing jaja kemutan wedal tasih lare nalika tasih remen nangis ing pangkonipun biyung
wonten satunggilipun dolanan ingkang sekedik kemutan ..
soyang soyang mbathika plangi ndhok semarang
ya yah bu ya yah pa putra ningsun adipati kulanuwun…
dok dok dok.. sinten niku… kula mbok randa dadapan..
..lajeng sami pangandikan bade ngengeraken putra/putri nipun
ngengeripun dipun tampi nanging turu nipun wonten emperan bantalipun dingklik, gulingipun kenthongan, nedhinipun sega aking lan sak panunggalanipun….
mboten trima mboten trima anak kula mang sia sia…
lagu lan dolanan menika asring kagem pancatan tiyang sepuh kawula paring pangertosan bab Urip lan kayatan kahanan ikang mangsa kala tebih saking inkang dipun gayuh lan gadang gadang. supados tansah eling lan sumarah. mbok menawi wonten rencang ingkang kemutan lagu menika langkung jangkep.
salam…