You are currently browsing mtamim's articles.
Nalikaning mlaku-mlaku ing bunderan UGM, ora sengja weruh mobil kang ditulisi macem-macem ukara Jawa. Ora mung siji loro ukara, nanging tulisane kebak ono neng ngarep, kiwa, tengen, lan mburi.
Ukarane kabeh sesambungan karo budaya jawa, kaya jeneng ono ing pewayangan lak sapanunggale. Ora ngerti sopo sing duweni mobil iki.
Ono ing Jawa akeh jejamuan kang digawe saka tetanduran lan bahan bahan alam. Ono sing diracik kanthi alami lan ono sing wis diproduksi. Iki salah conto jamu hasil produksi industri jaman watara tahun 80-an.
Pancen Cleng Marem!!!
Sumber: http://www.seasite.niu.edu/flin/Jamu/
Kula gadhah rencang ingkang kagungan bapak, asmanipun Kyai Najmuddin, ingkang taksih saged dipun wastani ‘kuno’, wonten ing nyandang punopa dahar. Mbok menawi menika amargi panjeneganipun mendalami tasawuf dados sinaoso gesang sederhana. Nalika sugengipun kadangkala mboten rena menawi mangertosi sandangipun ingkang ditumbaske putra-putra kanthi regi ingkang awis. Bapak punika biasa nyimpen arta wonten ing nginggil lemari lan ngandap bantal 
Rencang kula ingkang radi ngglidig asring mendet arta menika kangge jajan. Hahaha.
Babagan daharan inggih sederhana.
Nalika tindak haji, wonten ing pesawat dipun tangleti kalian pramugari mbok menawi ngersakke ngunjuk menapa. Kanthi mboten basa-basi njawab menawi nyuwun didamelaken unjukan TEH ANGET GENDIS JAWI!
Sugeng Warsa Enggal 1 Muharram 1430 Hijriyyah, 1 Januari 2009 Masehi lan 1 Suro 1942 Saka.
Mugi wonten ing warsa enggal punika kita saged pinanggih karaharjan, tansah pikantuk karahmatan saking Gusti ingkang murbeing jagad.
Wonten seratan sak derengipun kawruhjawi nate ngudunaken seratan babakan iklan unik saking Kedaulatan Rakyat ingkang saged dpun panggihaken wonten ing saperangan baliho ing kutha ngayogyakarta kanthi seri “Bebarengan Mrantasi Gawe”. Mboten sengaja nalika browsing kula pinanggih blog kagunganipun Petak Umpet ingkang ndamel desain iklan punika. Wonten blog menika kita saged pinanggih 3 seri saking iklan Bebarengan Mrantasi Gawe.
Tukang Becak
Tukang Sapu
Mbok Gendong
Seri iklan “Bebarengan Mrantasi Gawe” punika inggih unik lan khas lan dipun damel kaliyan lare-lare enem Jogja ingkang kreatif. Kangge informasi kemawon Petak Umpet ingkang dipun pandegani kaliyan Mas Arif Budiman sampun kathah pikantuk penghargaan wonten ajang nasional wonten tlatah periklanan lan enterpreneurship.
Baliho “Bebarengan Mrantasi Gawe”
Foto lan gambar dipendhet saking PetakUmpet
Bronjong iku salah sak wijining wadah awujud koyo keranjang kang digawe saka uwit empring. Wujude pancen digawe kanggo dipasang ono ing pit utawa sepeda motor (brom pit). Jamane aku cilik mbiyen nate ditumpakke bronjong iku karo bapakku. Sisih siji bronjong diwenehi barang-barang supane imbang lan ora njomplang. Salah sawijining dino aku yo nate nemoni ana ibu kang numpakke anake nganggo bronjong. Anake numpak ana ing sisih kiwa lan ing sisih tengen bronjong diisi karo tabung gas. Menawa kelingan jaman biyen, numpak bronjong iku duwe keasikan dewe, kaya ana sensasi kang rada-rada aneh
Saiki bronjong isih akeh digawe kanggo ngusung panen utawa kanggo dagang. Hananging saiki mulai ana peraturan kang nglarang kendaraan nggowo bronjong ana ing dalan gede. jarene akeh kacilakan kang disebabke bronjong iki. Kanthi ana peraturan iki akeh para pedagang lan para pawongan kang wis biasane ngaggo bronjong kanggo ngangkut barang lan rumangsa yen bronjong iku penting kanggo pangupa jiwa lan panguripane pada protes amarga tanpa nggunakke bronjong iku pada kangelan anggone dodolan utawa kanggo kegiatan saben dinane. Muga-muga wae masalah iki enggal ana titik temune. Amarga menawa bronjong iku dilarang iso nyebabke saperangan uwong kang dadi susah, uga sak mengko bocah-bocah ora bisa ngrasakke penake numpak bronjong (hehehe..)
Ora nyangka, jebul Presiden Bush, sing wis meh lengser keprabon, pinter pidato mawa basa Jawa
Watawis jaman kula TK lan SD rumiyin kathah dolanan (mainan anak) tradisional ingkang sak menika sampun awis utawi malah sampun punah. Langkung-lamgkung wonten ing jaman teknologi maju punika kathah dolanan modern ingkang dipun damel saking negri sanes. Jaman rumiyin wonten maneka warna dolanan khas jawa. Salah satunggalipun ingkang rumiyin kondang inggih punika gambar umbul wayang. Gambar punika dipun wastani gambar umbul amargi cara mainipun gambar dikempalaken lan diumbulaken. Gambar lajeng dawah wonten siti, ingkang mengkureb diwastani sampun mati, lan ingkang mlumah diumbulaken malih dumugi wonten salah satunggaling gambar ingkang menang diwastani “ijen” amargi gambar liyanipun sampun mati lan gambar setunggal punika ngijeni ingkang taksih gesang. Kadangkala wonten lare ingkang urik utawi curang kanthi nempelaken kalih gambar ingakang sami wolak walik sahingga mboten nate mati amargi wolak-walik gambaripun sami. Istilahipun “gemblek”.
Dolanan sanesipun ingkang sakmenika sampun awis ugi contonipun sempritan lempung, kodok lempung, othok-othok, lan sak panunggalnipun. Dolanan punika sak menika sampun kageser kaliyan dolanan produk Amerika, Jepang, Taiwan utawi China.
Gambar dipendet saking mriki
Wonten seratan kapengker kula sampun paring link kangge download themes Sony Ericcson. Dalah kagem para kadang ingkang kagungan HP Nokia (khususipun Seri S60) ugi saged ngunduh themes Kawruhjawi Nokia saking nokiaskins.blogspot.com. Menawi ngagem ponsel saged langsung akses WAP wonten kawruhjawi.jw.lt.
Awal Nopember punika wonten tlatah Bantul wonten warta menawi saperangan warga dientup tawon Endas ingkang caha ewon (wonten ingkang mastani tawon Gung). Watawis 21warga dipun rawat wonten rumah sakit. Kanthi cacah ewon mekaten inggih ndadosaken ajrih para warga. Warga ingkang nembe makarya wonten sawah dipun serang lan dipun luru ngantos 1 KM langkung. Wonten warga ingkan mlebet bak mandi inggih taksih dipun tunggu. Tawon-tawon punika nembe sami kesah nalika dipun damelaken obong-obongan/ asap.
Wekdal taksih alit rumiyin, kula kadangkala dolan wonte ini pereng kebon/alas wonten wingking griya. Wonten salah satunggaling rencang ngganggoni omah tawon Ndas lan ndadosaken tawon menika nesu lan mburu. Sanadyan sampun mlajar tawon punika taksih ngluru lan kula kecandak tawon punika, dientup nggen sirah kula.. Wah sakit sanget. Sanadyan kula mboten ngganggu omah tawon punika, hananging tawon Ndas punika sampun kalap lan nyerang sinten kemawon ingkang wonten sak caketipun.
Kasus tawon ingkang cacah ewon lan nyerang warga punika jebul inggih wonten ugi ing Banyumas, Ciamis lan ugi wonten manca negari. Serangan tawon punika dipun wartosaken ugi nate ndadosaken korbanipun dumugi pejah.
Komentar