Menawi wonten dusun-dusun utawi daerah ingkang taksih kathah wit-witanipun, kita asring mireng salah sawijining kewan inkang gadhah suanten ingkang unik inggih menika garengpung. Jaman rumiyin, garengpung dados pratanda mangsa ketiga. Aran garengpung menika ugi mawarni-warni, wonten ingkang mastani gareng, cenggeret, tonggeret, cicada, lan sakpanunggalanipun. Spesies garengpung wonten tiga, Magicicada septendecim, Magicicada cassini, lan Magicicada septendecula. Kula boten mangertos mbok menawi istilah garengpung menika sakjanipun sejatosipun namung salah satunggaling spesies cicada punapa mboten.
Nalika kula pados informasi wonten internet, jebul garengpung menika boten wonten tanah Jawi kemawon. Informasi wonten mriki mratelakaken menawi garengpung jebul ingging wonten ing tlatah Amerika. Hananging wonten mrika garengpung nggadahi siklus ingkang unik inggih menika medal saking siti namung 17 tahun sepindah kanthi massal. Wonten blog mriki mratelakaken bilih garengpung jebul inggih dados objek kangge penelitian S3 dening salah satunggaling peneliti.
Wonten panggenan kula sakmenika kadosipun sampun jarang mireng suanten garengpung.
27 komentar
Comments feed for this article
Februari 26, 2008 pada 10:37 am
yusthatitik
nggih mas..
nalika taksih alit menawi nangis lan wonten suanten garengpung, lajeng bapak ngendiko bilih suanten punika madosi lare ingkang nangis. Amargi wedos (takut-red), kulo lajeng mendel… Eee..si garengpung taksih nyuanten. Lajeng bapak ngendiko bilih ing papan sanes wonten ugi lare ingkang nangis ingkang diparani si garengpung…
Wonten mawon nggih akalipun bapak.. 🙂
Februari 27, 2008 pada 2:21 am
nurussadad
wis suwe mboten krungu swarane gareng pung, sakniki kulo ten bogor, boten ten desa malih.. pas ten desa kulo tesih sering krungu,
Mei 16, 2017 pada 9:22 am
Lilian
That saves me. Thanks for being so seenlbis!
Maret 1, 2008 pada 8:08 am
Jiwa Musik
sakderengipun nyuwun sewu menawi bebasan Jawi kulo mboten sae babarblas
kulo namung bade matur nuwun alias terimakasih atas seratan punika lan ugi sampun ngunduh gambaripun kagem koleksi kulo priambak
Maret 13, 2008 pada 1:39 am
agus16
Wah jarang update mas?
Maret 14, 2008 pada 4:50 am
mtamim
@agus16
radi awrat mas menawi rutin nyerat kanthi basa jawi..
kedah dipun penggalih rumiyin hehehe
Maret 29, 2008 pada 1:31 pm
Jokomoelyo
Sugeng Tetepungan.
Kulo remen sanget maos dongeng gareng pung ingkang kaserat dening panjenengan. Amargi kulo saget kemutan wekdal alit kawulo ing semarang antawis th 60an nyumurupi garengpung dipun sade sapanunggalipun tiyang ingkang dipun beto keliling kampung, teras biasaipun ndeprok ing ngandap wit pinggir margi. Kawulo kalebet pangremen ingkang boten nate ketinggalan mesti numbasi. Menawi sakmeniko kulo galih padahal rumiyin mboten mangertos ginanipun, mboten kados peksi saged nyuwanten menawi ing nglebet kandang. Amargi emut kawulo garengpung purun nyuwanten menawi ucul ing wit2an. Biasanipun menawi bibar tumbas namung kulo lebetaken ing kotak kalian kulo lebeti ron telo puhung ingkang rumiyin katah tinemu ing kebon tetanggi. Rumiyin reginipun antawis Rp 5,- an. Menopo sakmeniko lare2 alit taksih ngertosi garengpung?
Semanten carios kangen kawulo tumrap garengpung, pangapunten ginem jawi kulo sanget mboten sampurno. Nuwun
Maret 30, 2008 pada 1:54 am
okno
we la dalah, jebul mung ora aku thok sing lo lha lho lhog yen garempung ono ning negoro liyo. Yen cilik anku garempung gawe pratondo mongso rendeng lan ketigo. Lha mboh iki neng daerahku saiki jan garing..ring temenan. Ojo maneh garempung….kinjeng wae wis meh ilang….walah..
Maret 30, 2008 pada 1:57 am
okno
mas dalang …nyuwun satus suwidak ewu yo kulo nderek ngokokopi tulisan meniko angsal mboten?
Maret 31, 2008 pada 11:49 am
Paman Tyo
garengpung lan cenggeret nong punika wonten bentenipun boten, nggih?
April 1, 2008 pada 3:30 am
Jokomoelyo
Carios jaman alit.
Sederek ingkang kinasih kulo remen menawi ngemuti kedadosan jaman rumiyin ananging ingkang wekdal sakmangke sampun mboten wonten malih. Kadosto kolo kulo alit wonten tiyang nyuwun2 (pengamen) ingkang kasebut “WALIKECE”. Ing jaman sak mangke kulo sampun mboten nate nyumerepi malih. Pengadegipun mekaten,tiyang setunggal (biasanipun jaler) mbeto boneka sepaleh rogo tanpo suku. Bonekanipun dikempit ing weteng mawi selendang, teras ing bokongipun tiyang jaler meniko dipun subal (kalian gombal utawi bantal) supados ketingal ageng. Dados menawi dipun sawang kados tiyang kalih ingkang taksih gendong2an. Tiyang meniko biasanipun mlampah saking griyo setunggal dumateng griyo sanesipun kanti alon alon (supados kados kawraten gendonganipun)
Menopo sak mangke tasih wonten nggih? Nuwun.
April 1, 2008 pada 7:55 am
mtamim
@jokomoelyo
sugeng tetepungan ugi
inggih, kathah crios saking jaman rumiyin ingkang sak menika sampun punah
menawi walikece menika sak pangertosan kula sampun mboten wonten. hnanging seniman Didik nini thowok kadangkala taksih pentas kanthi wujud menika
@okno
sumangga dipun kokopi, kanthi nyebat sumberipun
@paman tyo
kadosipun menika namung benten istilah mawon
matur nuwun kersa pinarak
April 2, 2008 pada 12:36 pm
sobirin
Omahku neng Bandung. Aku nggoleki ndoro garengpung nganti tekan Garut. Aku lagi nganakake penelitian ing bab usum lan kauripan kewan, ugo tetanduran. Mbiyen wong2 tuwo nganggo petungan “pranoto mongso”. Garengpung metu lan muni ing usum “mareng”, wulan “kawolu” lan “kasongo”. Iki tondo2 “pancaroba” arep usum “ketigo”. Angel banget nggoleki garengpung ing jaman saiki, sebab “kawasan lindung, hutan lindung, utowo talun” wis dibabat kabeh, dadi omah lan villa2. Mulo soko iku monggo poro saderek sedoyo kulo aturi “back to basic”, alas lan talun kudu ditandur maneh.
April 4, 2008 pada 10:53 am
ashardi
weleh…kangen garengpung, kangen swaranipun…eling alit2an kulo, denign sekolah wonten wit ageng omahipun garengpung.
April 24, 2008 pada 4:30 am
must antok
rumiyin wonten ing dusun kulo menawi krungu suwanten garengpung lare-lare lajeng nembang ” GARENGPUNG LE ADANG DURUNG RAMPUNG” Tujuanipun kagem menopo kulo piyambak njih mboten mangertos.
April 24, 2008 pada 12:55 pm
atmo glendem
waduh…..
sakmeniko wonten magetan taksih kok gareng pung, sing suwantene ngiyerrrrr, ngiyerrrrrr…. kulo dados pingin nyepeng kemawon kewan meniko,
nanging, ngantos sakmeniko, kulo mboten saged nyepeng gareng pung…
mbok menawi panjenengan gadhah kathah gareng pung, kulo saged nempil setunggal jodho kemawon
Juli 5, 2008 pada 1:11 pm
harinowo
nuwun sewu kulo nderek sowan mas mtamim’
kulo sampun dangu mboten mireng utawi maos babagan seratan ingkang wonten gandeng cenengipun kaliyan kacaritan rikolo kulo alit. Seratan panjenengan kangge mengeti rikala kula taksih alit. Kulo tenggo kacaritan sanesipun supados mboten ical saking bumi tanah jawi. Sekedap malih bade wonten pengetan 17-an, biasanipun anak kulo pikantuk tugas saking gurunipun supados ndamel pidato basa jawi. Menawi kerso lan wonten wekdal nyuwun dipun paringi conto pidato basa jawi babagan pengetan pitulas agustus. Matur nuwun sak derengipun, nuwun
Oktober 15, 2008 pada 2:39 pm
gunarso
garengpung puniko sami kaliyan cenggeret utawi tonggeret
nami garengpung puniko saking swantenipun, monggo dipun cobi diwaos
…punggareng..punggareng…punggareng..punggareng… (terus-terusan)
tiyang daerahe paman tyo mirengaken kados mekaten
…cenggeret…cenggeret…cenggeret…cenggeret … (terus-terusan)
tiyang lintunipun (tiyang melayu) mirengaken kados mekaten
..tonggeret…tonggeret..tonggeret…tonggeret…(terus-terusan)
lha menawi tiyang jepang …. kulo mboten mangertos he he he he
Oktober 15, 2008 pada 2:43 pm
gunarso
tiyang padang mirengaken kados mekaten:
uwie…uwie..uwie..uwie..uwie..
tiyang malaysia mirengaken kados mekaten
riang…riang..riang..riang..riang..
lha sejatosipun ingkang paling leres namung Magicicada kemawon ingkang sumerap… he he he he
Maret 15, 2009 pada 2:58 am
nothing
pagi ini Minggu 15 maret 2009….kota malang riuh dengan suara garengpung… dan saya menyukainya… sebuah orkes musik dari alam yang maha dahsyat…
Juni 22, 2009 pada 5:34 pm
z4di3s
Juni 22, 2009 pada 5:34 pm
z4di3s
jawa haramjadah
Januari 7, 2010 pada 11:02 am
asih joko purwanto
oh iyo aku eling yen gareng pung, samber lilin lan cleret gombel iku anane ing ndeso, ngelingake jaman aku cilik. yen gareng pung iku kala-kala kango giri-giri yen ana bocah nangis ora meneng utawa kejer, lah wong tuwaku ngomong, ana gareng pung golek bocah sing demen nangis. saiki garing pung isih akeh ing daerah salatiga, boyolali, magelang lan daerah adem sing isih akeh wit-witan sing dhuwur, utawa daerah sing isih akeh alas. yen cleret gombel saiki wis langaka
Desember 3, 2010 pada 8:05 am
archicom
uih lg weruh sing jenenge gareng pong
Maret 25, 2011 pada 11:08 am
Spk
Manawi samberlilin punopo inggih taksih wonten nggih, sak puniko kulo kok mboten nate manggih kewan ingkang awarni sae puniko
April 11, 2011 pada 9:14 am
siyamta
He2, … wonten ndusun kulo taksih kathah kewan ingkang anami : garengpung, samberiler, tonggeret, laron lan sanesipun menawi nembe musim.
Mei 16, 2017 pada 5:31 am
Maggie
By febbraio 21, 2013 – 11:15 pmThanks for any other initamrofve blog. The place else could I am getting that kind of information written in such a perfect method? I have a undertaking that I’m just now operating on, and I’ve been on the glance out for such info.